Бәнде” ӈанасанә” хелиде” законатәны ӈонә хонды” ӈиле мәнә (право) нисы сәӈүрә” нинту” хелиде” ӈизисибся”дя итүо” тәндә законәтәны. http://www.indigenous.ru/dec/dec_ng.pdf
Бәнде” ӈанасанә” хонды” ӈиле мәнә (право) хелидемәәны ӈизи”силинягәтыӈ дискриминациегәтә, нинту” ӈәзү”лутүө ӈануо Декларациетәны ӈонә хунсә курәдите номү”тәтуо тәрәди дискриминациядя кәрçу. http://www.indigenous.ru/dec/dec_ng.pdf
Бәнде” ӈанасанә” ӈәтукәнды” нендя”туо” ӈонә хонсы хелиде” ӈиле мәнәй (правай). Сытыӈ хонды” ӈиле ӈонда ӈонә сяру, дүзытәндыӈ ихүтүӈ нягәә” сүөарусә”. http://www.indigenous.ru/dec/dec_ng.pdf
Бәнде” ӈанасанә” ӈәтумкәнды” хонсы хелиде” ӈиле мәнә” (права”) ӈонә нендябса” кәрçу”. http://www.indigenous.ru/dec/dec_ng.pdf
Курәдите ӈанаса дөзүрхүтү мынту куниа кәрбуӈу: курәдите хетәгәә” ӈунүоза”дя, ӈанасанә ӈунүбсанә”дя (ассоциаций). http://www.indigenous.ru/dec/dec_ng.pdf
Курәдите ӈанаса дөзүрхүтү мынту тәмәәны кунимәны кәрбуӈу, нилыбити мынту курәдите хутиәзы моунтәны. http://www.indigenous.ru/dec/dec_ng.pdf
Курәдите ӈанаса кәмүзүбүтү мынту нягәә ӈәзи”тәтыәә мазайсүө кәтти денси ӈәйбәузатуниизә, куниәә”мәны нягәй нилыбиазәә тандетунану кәтти ӈонәнту ӈонә хелы”сылибиазәйзә нягәй хунсәй социальный обеспечениятәны нилынягәты. http://www.indigenous.ru/dec/dec_ng.pdf
Курәдите ӈанаса, лага”тарутуо курәдикүө сиәртәны, хонты ӈиле мәнә (право) ӈизи”сиси сиәркали исямту тәә түбә каӈгә сыты сиәрту ӈәтәурусүзү” законә ӈәзүтүө судәтә, кунини сыты ӈизи”силисизи”. http://www.indigenous.ru/dec/dec_ng.pdf
Курәдите ӈанаса, нисы хундялтарыби”, кәмүзүхүтү мынту хелиде денси”, хелиде ӈәйбәузаниизә. http://www.indigenous.ru/dec/dec_ng.pdf
Курәдите ӈанаса, общество терә ихүтү, хонты ӈиле мәнә (право) социальное обеспечениедя ӈонә хунсәә” правә”дя, тәзу”тәтуо” няндятуо бәзуатәбса сыты ӈиле мәнүтү (правайтү) экономический, социальный ӈонә культурный сунәнтини ӈанасанәй танде” ӈонә международный сүөарубса курәдите государство таккәмәны. http://www.indigenous.ru/dec/dec_ng.pdf
Курәдите ӈанаса тороубүтү мынту ӈанасанә” танде культурный” нилутәны, нялтәбити мынту хүнсерәй кәрçуодейдя, участвовайрхүтү мынту научный прогрессетәны ӈонә тороубтугуйхүтү тәндәты ӈүнязү”. http://www.indigenous.ru/dec/dec_ng.pdf
Курәдите ӈанаса хонбити мынту (право) ӈиле ӈалирә” кәтти ӈу”озә ӈалирә” хунсәй ӈанасанәй нану. http://www.indigenous.ru/dec/dec_ng.pdf
Курәдите ӈанаса хонты мәнә” (обязанности), нондитыә” ӈанасанә танде нерәны, кунини ӈиле сәмырыты няндя”са бозатәсузә. http://www.indigenous.ru/dec/dec_ng.pdf
Курәдите ӈанаса хонты мәнә (право) социальный ӈонә международный ӈәзи”тәбсадя, курәдитәны ӈиле мәнә” (права) ӈонә няндябса”, хозүтүө” ӈануо Декларациетәны, бәнде” дүлсырыбитиӈ мынту. http://www.indigenous.ru/dec/dec_ng.pdf
Курәдите ӈанаса хонты ӈиле мәнәмты (право) хууләбити лүӈкүрүбсянәзәмты хунсәә” моу”мәны ӈонә хонты мәнә тороубтуса тәндә лүӈкүрүбсянә. http://www.indigenous.ru/dec/dec_ng.pdf
Курәдите ӈанаса хонты ӈиле мәнә (право) гражданстводя. http://www.indigenous.ru/dec/dec_ng.pdf
Курәдите ӈанаса хонты ӈиле мәнә (право) денсидемәәны хунсәйнану ӈәйбәумунтә ӈиле моунты государствә” службатәны. http://www.indigenous.ru/dec/dec_ng.pdf
Курәдите ӈанаса хонты ӈиле мәнә (право) дүбәәнантибити курәдите моу, ӈиле ӈәтумиамуо моумту, тәгәтә хонты ӈиле мәнә (право) хурсәбса кәрçу моунтудя. http://www.indigenous.ru/dec/dec_ng.pdf
Курәдите ӈанаса хонты ӈиле мәнә (право) нендя”туо манү”тәбсадя, дебтазабса тәндитиӈ кангә кәрбуӈу; тәтти мәнә (право) тәзү”тәту нендя”туомәны дебтазабса манү”тәбсатү, курәдите дүрымы”, буозу” нисы сәӈүрә” курәдите государственный границедя. http://www.indigenous.ru/dec/dec_ng.pdf
Курәдите ӈанаса хонты ӈиле мәнә (право) нендя”туомәны сынерырся, сяру ӈонә ӈиле тандету ӈуо (религия); курәдите ӈанаса хонсызә хүнтүрүбся тәрәди ӈуодя, курәди хуйӈы, хонсызә ӈиле камя”туо манү”тәбса, ӈиле ӈәтумиамуо” хүнсерәә” кәрçуодей. http://www.indigenous.ru/dec/dec_ng.pdf
Курәдите ӈанаса хонты ӈиле мәнә (право) ниибтүгуйсядя, хүтүдя ӈиле мәнә (право) тәни ӈәйбәуза” дялы кәри ӈонә денси хонтыә хүө бәухү” ниибтүгуйся. http://www.indigenous.ru/dec/dec_ng.pdf
Курәдите ӈанаса хонты ӈиле мәнә (право) нилыбсядя, няндябсадя ӈонә нинту” ментизибсятыдя. http://www.indigenous.ru/dec/dec_ng.pdf
Курәдите ӈанаса хонты ӈиле мәнә (право) тәрәди нилудя: ӈомсу”, дембиа”, леккырә” ӈәтәубса ӈонә хунсәә” нилыбся кәрçу”дя, курәди ихүтү нягәә нягәә нилыбсяты ӈонә тандеты нягәй нилыбся дязыкү, хонты ӈиле мәнә хелы”сырынягәты нибити ӈәйбәу”, дярәзыкәбити, мусанумхүтү, сырумхүтү, бәйка”имхүтү кәтти иниа”имхүтү, басагалимхүтү ӈонә ӈәтумхи” хунсә” кәрçу” нинту” хезытытыә” сыты сәмырыгәтәты. http://www.indigenous.ru/dec/dec_ng.pdf
Курәдите ӈанаса хонты ӈиле мәнә (право) управляйрмүнтә моунтәнынты кәлүбтүмәә” ӈанасанәй таккәмәны. http://www.indigenous.ru/dec/dec_ng.pdf
Курәдите ӈанаса хонты ӈиле мәнә (право) хозатәбсанимәәны. http://www.indigenous.ru/dec/dec_ng.pdf
Курәдите ӈанаса хонты ӈиле мәнә (право) ӈизисибсядя сәмырыты, мәненсәкүтү, куниә” иӈу” научный, литературный кәтти художественный ӈәйбәузатинунту, курәди” сыты ӈиле мелызасыәдейти. http://www.indigenous.ru/dec/dec_ng.pdf
Курәдите ӈанаса хонты ӈиле мәнә (право) ӈизи”сибсянимәәны ӈиле мәнүнтү (правайтү) бәнтуны иттүо” суда”тини каӈгә мәнтизилибити” ӈиле мәнүнтү (правайтү), куниә” ӈәзүлүӈантә” конституциетәны кәтти законәтәны. http://www.indigenous.ru/dec/dec_ng.pdf
Курәдите ӈанаса хонты ӈиле мәнә (право) ӈунүнтәбса ӈәйбәузә” сунә” (союзә”) тиитәсы тәндә” сунәти” (союзәнди”) ӈизи”синягәты ӈиле мәнүтү. http://www.indigenous.ru/dec/dec_ng.pdf
Курәдите ӈанаса хонты ӈиле мәнә (право) ӈәйбәузадя, няндя”туо натярубса ӈәйбәузадя, тәны кунини кәрбуӈу, нягәә ӈонә неими” ӈәйбәузату ситтямәны иттүодя ӈонә ӈизи”силибити мынту ӈәйбәузагали иттүо кәрçугәтә. http://www.indigenous.ru/dec/dec_ng.pdf
Курәдите ӈанаса хонхиты мынту ӈиле мәнү”тү (правайтү) ӈонә няндябсатү, хозүтүө” ӈануо Декларациетәны, нисы сәӈүрә”: курәди ӈанасанә” тансәгәтә иммә, курәди сябыты кухуо, куодүму кәтти ны, курәди ӈиле ӈәтумиамуо сиәдеты, курәдиӈуодяхүнтүрүбсязыиӈу,курәдиполитикәӈәзу камяӈу, курәди ӈанасанә тансәдя иӈу ӈонә курәди ӈәтумиамуонту сиәр: ӈүня” кәтти мәӈкәә” иху” тагәбтәә” ирити, имидити. http://www.indigenous.ru/dec/dec_ng.pdf
Курәдите ӈанаса, ӈанузүмтүкүся ӈиле мәнүтү (правайтү) ӈонә ӈанузүмтүкүся уголовный сиәрәмты, хонты ӈиле мәнә (право) мелызәсыәдиәзы сиәрты катемәрунагәту ӈәзи”тәтыә ӈонә няндя”туо судәтә. http://www.indigenous.ru/dec/dec_ng.pdf
Маагалите ӈануо Декларациетәны иттүо нибити мынту дебтуру”, милитиә мантә курәдикүө государствотә, сунә”тә кәтти ӈанасанә” сунә”тә кәтти бәзәлтуо” хорү”ти правә мелысынагәтыӈ тәндә ӈәйбәуза, хезы”тытыә сымбабтыгуйсядя правә” ӈонә няндябса”, хозүтүө” ӈануо Декларациятәны. http://www.indigenous.ru/dec/dec_ng.pdf
Мелы”сыбся тәндә” ӈиле мәнә” (права”) каӈкәгалите нибитиӈ мынту Сунә Ӈуомтумәә” Тандей (Объединенный Нация) неру” кәйнимәәны коны”. http://www.indigenous.ru/dec/dec_ng.pdf
Мелы”сыса ӈиле мәнүтү (правайтү) ӈонә няндябсатү, курәдите ӈанаса нонсубтырибити мынту тәәтүхораны, каӈгә сыты мелысыкәсытә тәрәди кәрçу, нинтыә нөльхү”күрү” законәтәныноӈхәмәныиттүотуниизәӈонә дүөайтетуоӈанасанә” тандей нягәй ӈәзүлүбсямтуӈ ӈонә миттәбсямтыӈ бәнсә маа хутеемтыӈ ӈонә нягәй нилыбсябтыӈ демократический обществатәны. http://www.indigenous.ru/dec/dec_ng.pdf
Немы ися коныбся ӈонә дяхүрка ибся хонәйти” ӈиле мәнә (право) ӈәзүлүнагәтуӈ ӈонә хелы”сылинагәтыӈ. Бенде” нүо”, ӈәтумтыә” ӈуомсуоде тандәтәны кәтти нинту” ӈуомсуоде тандәтәны, хонхитыӈ мынту хелиде ӈизисибся. http://www.indigenous.ru/dec/dec_ng.pdf
Нерәбтәә тенымтыгуйся ихүтү мынту бәнди”дя итүо . http://www.indigenous.ru/dec/dec_ng.pdf
Нимбымтыә” куодүму” ӈонә ны” хонды” ӈиле мәнә (право), нисы сәӈүрә” курәди ӈанасанә тансәгәтә иммә”, курәди сябытыӈ ӈәзу, курәди ӈуодя тялирӈү”, ӈуомтаса кәтти мяйзасы, мелызәсы ӈиле тандемту. Сытыӈ хонды” хелиде” ӈиле мәнә” (права”) ӈуомтаса кәтти мяйзаса, ӈуойтены нилыбся ӈонә тарумса түхоны. http://www.indigenous.ru/dec/dec_ng.pdf
Нүо” деди” хонты” ӈиле мәнә (право) натярса, кунини тенымтыгуйсизитә” сиәнә” нүотиӈ. http://www.indigenous.ru/dec/dec_ng.pdf
Сунә Ӈуомтумәә” Танде” (Организация Объединенных Наций) някәләсыә дязыкүтү ӈизи”тибся, хелы”сыбся тәндә” ӈиле мәнә” (права”) курәдите ӈанаса. http://www.indigenous.ru/dec/dec_ng.pdf
Сунә Ӈуомтумәә” Тандей (Организация Объединенных Наций) нягәй дебтудүо ӈануо ӈанасанә” буозутини тәндә” ӈиле мәнә” (права”) курәдите ӈанасанәдя иттүо”. http://www.indigenous.ru/dec/dec_ng.pdf
Сылыгалитендә нибити мынту (право) ментизили” тәндә” ӈалирә”. http://www.indigenous.ru/dec/dec_ng.pdf
Сылыгалите нибити мынту камя”лу” ӈанасанәйгитә хунде, мәрки”тәры”, хундямтялыры” ӈонә сиба”тәру”. http://www.indigenous.ru/dec/dec_ng.pdf
Сылыгалите нибити мынту койры” гражданствогали ӈонә кәрбүбүтү нутумәә” гражданствамту. http://www.indigenous.ru/dec/dec_ng.pdf
Сылыгалите нибити мынту хоси”тәры”, сиба”тәру”, хеттибтыгуйли” нәмбәниизә. http://www.indigenous.ru/dec/dec_ng.pdf
Сылыгалите нибити мынту ӈомтәбтуру” нинту” мелызасыәдейты сиәрниизә, тәтти сиәр ихү” сыты ӈиле тандеты кәрçутини нинту номбә кәрçудя иттүо. Нибити мынту тәндә кәрçуниизә тетуа ани”әмәны кәтти бәзәтуомәны хоралу” тәндә дялыгәтә каӈгә иху мелызәмәә тәтти кәрçу. http://www.indigenous.ru/dec/dec_ng.pdf
Сылыгалите нибити нягәә сиба”тәру”, сиба”тәрубса ӈонә тамтарубса сиба”тини нинту кунитены нягәә кәрçу. http://www.indigenous.ru/dec/dec_ng.pdf
Сылыгалите нисизи” хүтү”тәру” ассоциациетә мәнәнту нисы тәлибтири”. http://www.indigenous.ru/dec/dec_ng.pdf
Тансә тәттирә ӈануо ӈонә мәӈәзә обществә хелыә, куниә ӈизисилибити мынту обществатә ӈонә государстватә. http://www.indigenous.ru/dec/dec_ng.pdf
Тенымтыгуйся ихүтү мынту хезытытыә бәнде” ӈанасанә сәмыры бозуатәбсадя ӈонә ӈукәгимти”куйтиә бәндети нягәй тенырыбся, хүся”лубса, дильситибся ӈонә тенынбся ӈиле ӈанасанә мәнә” мәӈәзәмәәны няндябсянимәәны иттүо”. http://www.indigenous.ru/dec/dec_ng.pdf
Тенымтыгуйся ихүтү мынту хелы”сытыә нятүӈ сәмәры теныбся, сүөарубся бәнде ӈанасанә” дүтымәны, курәдите нибити ӈуо” сяхытиӈ кәтти хүнтүрүбсянутүӈ ӈуодя, хелы”сыбити мынту Сунә Ӈуомтумәә” Тандей (Объединенный Нация) камя”са нягимтүгутүой кәрçуй. http://www.indigenous.ru/dec/dec_ng.pdf
Тенымтыгуйхи” мынту денсигали, тәтти кәрçу мәӈәзәмәәны ментизити нерәбтәә ӈонә бәнде” дязыкүдя иттүо тенымтыгуйся. http://www.indigenous.ru/dec/dec_ng.pdf
Тенымтыӈыйти” сытиӈ. http://www.indigenous.ru/dec/dec_ng.pdf
Техника ӈонә ӈәйбәузадя иттүо тенымтыгуйся ихүтүӈ мынду” бәнде”ти” түүтәрутуо”, ани”ә, бәнтуо тенымтыгуйся хелидемәәны түүрүбүтү мынту бәнде” кәрбутуоти”. http://www.indigenous.ru/dec/dec_ng.pdf
Тясәзыби”, куниа басәбса ӈанасанә” корçә терә, иттүо бәнди” ӈанасанәй танде” терәтини, ӈонә хелиде” ӈиле мәнүтүӈ” (правайтиӈ) иттү бәзәтуобса тохитәны, хунтәмәны буобса, бәнде” ӈанасанә”дя иттүо хетәгәә нилу; ӈонә тясәзыби”, куниа нинту” тясәзыбся ӈонә ноӈхомәны ибся ӈанасанә” ӈиле мәнә”дя (к правам) тәза”а” номбә” кәрçу”, курәди” болуатүгуйтү” ӈанасанәй сяру, ӈонә мелызәби” тәрәди хетәгәә нилу, кунини ӈанасанә” хонсызә” няндятуо” буозу” ӈонә манү”тәбса, нисызә” хыләдятә” ӈонә мәӈкәәмәны нилы”, дебтурусү” хирәгәә ӈанасанә” мәнә ися; ӈонә тясәзыби”, куниа ӈанасанәй ӈиле мәнә” (права”) муунтабү” мынту кәмиабса законәтәны, нинагәты ӈанаса нонсу” ӈизи”тихиасы ӈиле мәнүтү (правайтү); ӈонә тясәзыби”, куниа ӈанасанәй танде” хелы”сыӈы” нятүӈ сүөарүрӈү” дүзытәндыӈ; ӈонә тясәзыби”, куниа ӈанасанәй танде” иттүо” Сунә Ӈуомтумәә” Тандейтәны (Объединенный Нациятәны) ӈанузумтудүо” Уставатәнынты иттүо” ӈиле хүнтүрүбсятүӈ ӈанасанәй ӈиле мәнә”дя (права”дя), ӈанасанә корçә ӈүназәйдя, денсиде” ӈиле мәнә”дя (права”дя) куодүму ӈонә ны дермәәны тәмәәны сытыӈ мундүсуо” хелысыбсяниимәәны социальный прогрессетәны нягәй нилынягәтыӈ няндя”са; ӈонә тясәзыби”, куниа моу”-терә” (государства-члены) мундүху” Сунә Ӈуомтумәә” Тандейнану (Объединенный Нациянану), нятүӈ ӈәзүнагәтуӈ, сүөарүрнагәтуӈ, ӈәзүнагәтуӈ ӈанасанәй ӈиле мәнә” (права”) ӈонә мәӈәзәә нендябсанутүӈ; ӈонә тясәзыби”, куниа бәнде” ӈанасанә” дильситиӈи” корçә ӈонә ӈоры тәндәй ӈиле мәнәй (этих прав) ӈонә няндябса” хонты тетуа ани”ә тору дүлсынагә әмә сиәр, Генеральная Ассамблея дебтазату ӈануо Бәнде” ӈанасанә” дязыкүдя иттүо декларация ӈанасанә ӈиле мәнә” (прав) нерутәты хуантәту дямәләкә кәрçу, курәди түүнянтуӈу” бәнде” ӈанасанә” танде” ӈонә государства”, тәндә дязыкү курәдите ӈанаса кәтти курәдите общество терә, сәӈүрса әмә ӈануо Декларациядя, кәрбулохазәйтә” тенымтыгуйся ӈонә хозатәбса сәрәәмәны тәндә” права” ӈонә няндябса” нягәй бәндети тенырынагәтыӈ ӈонә митәбиазә” национальный ӈонә международный прогрессивный сәрәәмәны, бәнде” ӈанасанә” танде” ӈонә государства-терә организация тенырынагәтыӈ, тәндә комәәны моу терә” иттүо” юрисдикциетәнынтыӈ. http://www.indigenous.ru/dec/dec_ng.pdf
Тәндите тыӈ ӈиле мәнүтү” (правайтү”). http://www.indigenous.ru/dec/dec_ng.pdf
Тәндә комәәны ниби” нягәә сәӈүрә” хунсә” политический, ӈиле мәнәнтәнунты иттүо (правовой) ӈонә международный моунты статусәдя, кунини нилыӈы ӈанаса нисы сәӈүрә” хундялтуо кәтти камя”лутуо тәндә” моу”. http://www.indigenous.ru/dec/dec_ng.pdf
Тәндә” ӈиле мәнә” (права”) дязыкүтү” иттү”. http://www.indigenous.ru/dec/dec_ng.pdf
Тәтти ӈиле мәнә (право) серәрыгәтызә” тәә түхоны, каӈгә тәнерибся кәрçу тохитәны нинты ӈуо” политический сиәр, кәтти лыку дүөайтетуо неру” ӈонә дямәләкә” кәрçу” Сунә Ӈуомтумәә” Тандей (Объединенный Нация). http://www.indigenous.ru/dec/dec_ng.pdf
Хелысыӈыти” сытиӈ ӈонәнту” ӈонә сүөарутү” мәнеләкә” дязыкү. http://www.indigenous.ru/dec/dec_ng.pdf
Ӈанасанә” тансә мәнә ихүтү мынту нягәә правительство ӈузабса тохи; тәтти мәнә нәтәрәбтугуйхүтү мынту хүөти” мелы”сырытыә” натү”дятини, курәди” мелы”сырыбитиӈ мынту тиидялутуо” голосованиентәны кәтти хунсәәмәны кунини голосовайрся ӈанаса хонсызә ӈиле мәнә. http://www.indigenous.ru/dec/dec_ng.pdf
Ӈиле мәнә” (права”) бәнде” моу терә” ӈонә мәӈәзә” ӈанасанә ӈиле мәнә” (права”) хозүтү” Уставатәны Сунә Ӈуомтумәә” Танде” (Организация Объединенных Наций), кунини тәйтү хүнтүрүбся бәнде” ӈанасанәй танде”, нилытыә” моунтәны дендялкәә ӈанаса” корçәдя. http://www.indigenous.ru/dec/dec_ng.pdf
Ӈуомтәбса кәрçу мынту ихүтү мелызәмәә ӈонә ләбкузәбтумуо сиття” кәйзә ӈуомтәтугәй. http://www.indigenous.ru/dec/dec_ng.pdf
